Wenn mir am Rosemontag als
in närrischer Mission
dorch unser Meenzer Gasse zieh’n
in Lindwurmformation,
was sieht mer da fer e Panoptikum
am Zugweg steh’n als unser Publikum!
 
Schon in de Neustadt, wo so Mancher
ja gar nit stammt von hier,
da steh’n se voll Begeisterung
am Straßerand Spalier.
Sie fange Bomboos unn sie hawwe Spaß
am närrische Spektakel uff de Gass’.
 
Ja, längst kimmt nit mehr nur aus Meenz,
wer hier am Wegrand steht!
Mir sinn fer Gäst’ aus nah unn fern
der Publikumsmagnet.
Aus aller Herren Länder an de Rhein
zieht sie’s, um hier mit uns vergnügt zu sein.

Unn wenn auch Mancher, der von weit
zur Fassenacht herreiste,
nit alles im Detail versteht,
so schätze doch die Meiste,
wie hier mer Lebensfreud’ zum Ausdruck bringt,
indem mer mitenanner schunkelt, lacht unn singt.
 
Doch leider gibt’s ach Einige,
die sinn kää Narr’n, nur Dolle,
die des, was Fassenacht bedeut’,
gar nit verstehe wolle.
Fer die heeßt des nur Suff unn randalier’n
unn sich nach Leibeskräfte zu blamier’n.
 
Die glaube, Fassnacht wär en Freibrief,
gehe sich zu lasse,
unn „ausgelasse feiern“ heeßt,
kää Flasch’ werd ausgelasse.
Die määne voll, sie müsste demit protze,
zu saufe, bis – unn des find’ ich – zum Kotze!